Para coñecer o clima dun lugar, hai que estudar durante un ano, polo menos, os seguintes elementos:
A temperatura: Indícanos o frío ou calor que vai nun lugar.
Mídese co termómetro en graos centígrados.
A presión atmosférica: É o peso que exerce o aire da atmosfera sobre un punto da Terra.
Mídese co barómetro en milibares.
A humidade do aire: É a cantidade de vapor de auga que se encontra no aire. Aumenta coa temperatura.
Mídese co higrómetro.
O vento: É o aire en movemento.
A velocidade do vento mídese co anemómetro, e a dirección do vento mirámola no viraventos.
As precipitacións: As precipitacións están formadas pola auga que cae das nubes (chuvia, neve ou sarabia).
Mídese co pluviómetro en milímetros ou en litros por metro cadrado.