O aparato circulatorio está formado por:
O SANGUE: Encárgase de recoller, transportar e liberar osíxeno, nutrientes e refugallos.
OS VASOS SANGUÍNEOS: Hai 3 tipos:
Arterias:Levan o sangue desde o corazón ata os órganos.
Veas: Levan o sangue desde os órganos ata o corazón.
Capilares: Son as ramificacións máis finas das arterias e das veas.
O CORAZÓN: É un músculo que ten 4 cavidades. As 2 cavidades superiores chámanse aurículas e as 2 cavidades inferiores chámanse ventrículos.
O corazón latexa en dous movementos. Cando se relaxa, o sangue entra no corazón polas aurículas e cando se contrae sae polos ventrículos.
Aquí vos deixo outro vídeo que vos axudará a entender mellor o aparato circulatorio.
A CIRCULACIÓN DO SANGUE
- O corazón contráese e impulsa o sangue polas arterias.
- As arterias levan o sangue aos órganos e a todas as partes do corpo.
As funcións do sangue son:
- Nos alvéolos pulmonares toma o osíxeno e expulsa o dióxido de carbono.
- No intestino delgado recolle os nutrientes procedentes da dixestión.
- En todos os órganos deixa o osíxeno e os nutrientes e recolle os refugallos, que serán expulsados a través do aparato respiratorio e o aparato excretor.
- O sangue volve ao corazón a través das veas.