Aquí estamos de novo peques!!
Recordade que, na clase anterior, estivemos lendo e vendo un vídeo sobre a poboación. Ben, pois agora toca coller a libreta e escribir un resumo:
O CAMBIO DA POBOACIÓN
A poboación dun lugar non sempre é a mesma.
Factores que modifican a poboación
Hai 2 tipos de factores:
1. Factores que aumentan a poboación:
A natalidade: É o número de persoas que nacen nun lugar e nun momento determinado.
A inmigración: É a chegada de persoas a un lugar para vivir nel. Estas persoas chámanse inmigrantes.
2. Factores que diminúen a poboación:
A mortalidade: É o número de persoas que morren nun lugar e nun momento determinado.
A emigración: É a saída de persoas dun lugar para ir vivir a outro.
Estas persoas chámanse emigrantes.
Crecemento real da poboación
O crecemento pode ser:
Positivo: se a poboación aumenta.
Negativo: Se a poboación diminúe.
Para saber se a poboación dun lugar aumenta ou diminúe, súmanse os nacementos e inmigrantes e réstanse as mortes e emigrantes.