Aquí estou de novo, que tal o levades?
Como vedes, hoxe toca empezar tema. Imos empezar por ler as páxinas 64 e 65 do libro.
Despois mirades o vídeo.
E agora pasamos á libreta.
Como sempre, abrimos tema. Poñemos
TEMA 4
A RELACIÓN HUMANA
e logo facemos un debuxo (podedes elixir calquera que apareza neste tema no libro)
E despois escribimos este resumo:
OS SENTIDOS
Temos 5 sentidos: vista, oído, olfacto, gusto e tacto.
A función de relación
- As persoas relacionámonos con todo o que nos rodea.
- Os órganos dos sentidos captan moita información do exterior e envíana ao cerebro a través dos nervios.
Como sucede isto?
1. Os órganos dos sentidos captan os sinais.
2. Os órganos dos sentidos transforman estes sinais noutros e envíanllos ao cerebro a través dos nervios.
3. O cerebro recibe os sinais e decide o que hai que facer, enviando ordes a través dos nervios aos músculos para que reaccionen.
Por exemplo:
Estamos xogando no patio e vemos que vén un balón que nos vai dar na cabeza, os ollos transmiten esa información ao cerebro, o cerebro transmite información aos músculos para que nos movamos, evitando así que o balón nos golpee.
Por exemplo:
Estamos xogando no patio e vemos que vén un balón que nos vai dar na cabeza, os ollos transmiten esa información ao cerebro, o cerebro transmite información aos músculos para que nos movamos, evitando así que o balón nos golpee.
As nosas reaccións poden ser:
- Automáticas e moi rápidas: como cando tocamos algo quente e retiramos moi rápido a man.
- Máis lentas e pensadas: como cando a profe nos pregunta algo e pensamos a resposta.