O aparato excretor está formado por:
- O aparato urinario.
- As glándulas sudoríparas.
O APARATO URINARIO
(Recortamos e pegamos aquí o debuxo)
O aparato urinario está formado por:
Os riles: Son 2 órganos con forma de faba situados no abdome, a ambos lados da columna vertebral.
As vías urinarias: Son 3:
Os uréteres: Son 2 tubos que conducen os ouriños desde os riles ata a vexiga.
A vexiga: É un órgano en forma de bolsa que almacena os ouriños.
A uretra: É un conduto que comunica a vexiga co exterior.
Como funciona o aparato urinario
1. Os riles filtran o sangue que lles chega e extraen del as substancias de refugallo.
2. Con eses refugallos e auga, os riles fabrican os ouriños.
3. Os ouriños pasan polos uréteres ata a vexiga, onde se almacenan.
4. Os ouriños expulsámolos ao exterior a través da uretra.
As glándulas sudoríparas son tubos moi longos e delgados que se atopan enrolados e rodeados de capilares dentro da pel, e teñen un conduto que comunica co exterior a través dos poros.
AS GLÁNDULAS SUDORÍPARAS
(Recortamos e pegamos o debuxo)
(Recortamos e pegamos o debuxo)
As glándulas sudoríparas son tubos moi longos e delgados que se atopan enrolados e rodeados de capilares dentro da pel, e teñen un conduto que comunica co exterior a través dos poros.
Como funcionan as glandulas sudoríparas
As glandulas sudoríparas filtran o sangue e extraen del algúns refugallos producindo a suor, que é unha mestura de refugallos e auga.
A suor expúlsase ao exterior a través dos poros.