1ª Sesión L. Galega
Hoxe imos comezar con algo novo. OS DETERMINANTES.
Os determinantes son aquelas palabras que van diante dos nomes para presentalos, e concertan con eles en xénero e número.
Os primeiros determinantes que imos estudar son OS ARTIGOS.
Hai dúas clases de artigos:
Artigos determinados: son aqueles que presentan nomes de seres ou cousas coñecidos.
Son: O, A, OS, AS.
Artigos indeterminados: son aqueles que presentan nomes de seres ou cousas sen determinar.
Son: UN, UNHA, UNS, UNHAS.
Tedes algún problema cos artigos? Podedes preguntar dúbidas. Sabedes cómo? Si, polo Abalar Móbil ou no correo electrónico cuarto.viladerutis@gmail.com
Seguimos con algo que temos que saber antes de poder facer os exercicios de hoxe.
En galego, os determinantes cando van acompañando as preposicións, xúntanse e forman contraccións.
Pero, qué son as preposicións? Pois son as palabras que serven de unión entre diferentes partes dunha oración. Son: DE, EN, CON, A, POR...
Polo tanto: preposición + artigo = contracción
Por exemplo: de + un = dun
con + unha = cunha
a + os = aos
Espero que todos entendades o explicado.
Así que, imos alá cos exercicios da páxina 112 do libro. Tranquilos, para os que non teñen o libro na casa pois poño aquí a páxina para que os poidades facer. Recordade que se non tedes a libreta, pois facédelos noutra que teñades na casa ou nun folio.
MOITO ÁNIMO.